Gəncə şəhərində ciddi yol-nəqliyyat hadisəsi qeydə alınıb.
Gencexeber.az-a Fövqəladə Hallar Nazirliyindən verilən məlumatına görə, "BMW" markalı minik avtomobili idarəetməni itirərək yol kənarındakı elektrik dirəyinə çırpılıb. Güclü toqquşma nəticəsində avtomobildə yanğın baş verib və alov yaxınlıqdakı yaşayış evinə keçib.
Yanğın zamanı ümumi sahəsi 140 m² olan birmərtəbəli, 4 otaqlı evin bir otağının tavanı, dam örtüyünün yanar konstruksiyaları 10 m² sahədə, 1 ədəd televizor və 1 ədəd kondisioner yanıb. Evin digər hissələri və avtomobil yanğından mühafizə olunub.
Hadisə yerinə cəlb olunan yanğından mühafizə bölmələrinin səyi nəticəsində alovun genişlənməsinin qarşısı alınıb və yanğın söndürülüb.
Faktla bağlı araşdırma aparılır.
