Gəncədə üzgüçülük üzrə yarışlar keçiriləcək. Bu haqda 15 dekabr tarixində Gənclər və İdman Nazirliyinə istinadən məlumat veririk.
“Birlikdə üzək” adlı üzgüçülük yarışı 24-26 dekabr tarixlərində təşkil olunacaq. Müsabiqələr hər gün Gəncə Olimpiya İdman Kompleksində 10:00-13:00 və 15:00-18:00 aralığında baş tutacaq.
Hər bir iştirakçı 30 dəqiqə ərzində ən uzun məsafəyə üzmək uğrunda yarışacaq. Müsabiqəyə qatılan hər kəsə sertifikat və medal təqdim olunacaq. 30 dəqiqə ərzində hər yaş qrupu üzrə ən uzun məsafəyə üzən ilk 3 nəfər qalib elan ediləcək və hədiyyə olaraq hovuzlara abunəlik qazanacaqlar.
Yarışlar 9 yaşdan yuxarı bütün yaş qruplarında (9-10 yaş, 11-12 yaş, 13-14 yaş, 15-16 yaş, 17-19 yaş, 20-24 yaş, 25-29 yaş, 30-34 yaş, 35-39 yaş, 40-44 yaş, 45-49 yaş, 50-54 yaş, 55-59 yaş və 60 yaşdan yuxarı) kişilər və qadınlar kateqoriyalarında keçiriləcək. İştirak ödənişsizdir.
Qeydiyyat üçün registration@mys.gov.az elektron ünvanına ad, soyad, yaş, telefon nömrəsi, yarışacağınız tarixi və vaxtı (10:00-13:00 və ya 15:00-18:00), üzəcəyiniz hovuzun adını yazıb göndərmək və ya 187 nömrəsinə zəng etmək lazımdır.
