Gəncə şəhər Mənzil Kommunal Təsərrüfatı İstehsalat Birliyi tərəfindən şəhərin müxtəlif ərazilərində iməcilik aksiyası baş tutub. Bu haqda 11 may tarixində MKTİB-yə istinadən xəbər veririk.
Aksiya Muxtar Hacıyev, Xaqani, Tereşkova küçələrində və onlarla kəsişən döngələrdə, eləcə də "Yasıl" bazarın, Kərpic zavodunun ətrafında və Samux yolunda keçirilib. Adıçəkilən ərazilərdə yol kənarlarına və zibil qutularının ətrafına atılan təmir, təsərrüfat və məişət tullantıları təmizlənərək ərazidən daşınması təmin edilib.
İməcilik çərçivəsində küçə və döngələr təmizlənib, alaq otları biçilib, mövcud zibil qutularının ətrafında səliqə-sahman yaradılıb. Şəhər sakinlərindən xahiş olunur ki, ilk növbədə yaşadıqları ərazinin təmiz saxlanılmasına dəstək olsunlar və MKTİB əməkdaşlarının yaratdığı səliqə-sahman ab-havasını pozmasınlar.
