Gəncədə Beynəlxalq Şagird Qiymətləndirilməsi Tədqiqatının sınaq mərhələsinə hazırlıq məqsədilə imtahan baş tutub. Bu haqda 18 may tarixində Regional Təhsil İdarəsinə istinadən xəbər veririk.
20-31 may tarixlərində təşkil ediləcək “PİSA 2025” (Beynəlxalq Şagird Qiymətləndirmə Tədqiqatı) məqsədilə imtahan təşkil edilib. İmtahan İsmət Qayıbov adına 1 nömrəli tam orta məktəb, M.Mehdizadə adına 4 nömrəli xarici dil təmayüllü məktəb-lisey, Nizami Gəncəvi adına 11 nömrəli tam orta məktəb və Mir Cəlal Paşayev adına 39 nömrəli tam orta məktəblərdə keçirilib.
Regional Təhsil İdarəsi üzrə 242 nəfər şagirdin iştirak etdiyi imtahanın məqsədi 2008-ci il təvəllüdlü şagirdlərin oxu, riyaziyyat, təbiət elmləri və yaradıcı düşünmə üzrə bilik və bacarıqlarını qiymətləndirmək və onları real həyatda tətbiq etmək qabiliyyətlərini müəyyənləşdirmək, həmçinin 3 ildən bir keçirilən Beynəlxalq Qiymətləndirmə Tədqiqatının aparılmasından ibarətdir.
