Gəncədə bir neçə yerdə dirəklər aşmaq üzrədir. Bu haqda Gencexeber.az-a 6 iyun tarixində məlumat daxil olub.
Sözügedən vəziyyət Aydın Nəbiyev küçəsi, Heydər Əliyev prospekti, Faiq Bayramov kücəsi ilə Ozan küçələrinin kəsişməsində və Gülüstan qəsəbəsindəki 14 saylı binanın qarşısında müşahidə edilir. Adıçəkilən ərazilərdə elektrik və telefon xətlərinin dirəkləri əyilib.
Sakinlər bu haldan narahat olduqlarını bildirirlər. Onlar qəzalı vəziyyətdə olan dirəklərin hər an aşa biləcəyindən qorxurlar: “Dirəklərin yanından keçə bilmirik. Külək olan kimi əsir, az qalıb, bir gün aşacaqlar. Hər an təhlükə içindəyik”, - deyə ətrafda yaşayan məhəllə sakinləri qeyd ediblər.
Bundan əlavə, Heydər Əliyev prospektindəki qaz borusu da təhlükəli vəziyyətdədir.
[modula id="60765"]
