Gəncə Şəhər Mənzil Kommunal Təsərrüfatı İstehsalat Birliyinin Təmir-Tikinti və Qəza xidməti şöbəsi tərəfindən şəhər ərazisində bir sıra işlər görülüb. Bu haqda 30 may tarixində MKTİB-yə istinadən xəbər veririk.
MKTİB yaşayış və qeyri-yaşayış binalarının qəzalı vəziyyətdə olan eyvanlarında, dam örtüklərində, həmçinin novdanlarında təmir-bərpa işləri həyata keçirir. Nizami Gəncəvi prospektində yerləşən 10 saylı binanın 45–ci mənzilinin və Fikrət Əmirov küçəsindəki 18 saylı binanın 20-ci mənzilinin eyvanlarının dam örtükləri yenilənib.
Hər iki mənzilin eyvanındakı nasazlıqlar ötən həftənin şənbə günü Gəncə şəhərində baş verən güclü külək nəticəsində yaranmışdır. İşlərə MKTİB-nin xüsusi texnikaları və canlı qüvvəsi cəlb olunub.
