Gəncədə binaların birinin sakinləri liftdən şikayətçidirlər. Bu haqda Gencexeber.az-a 22 iyun tarixində məlumat daxil olub.
Sözügedən hal “DOS-102” ərazisindəki 1-ci binanın 1-ci blokunda (Hərbiçilərin binası) müşahidə olunur. 9 mərtəbəli tikilinin sakinlərinin sözlərinə görə, burada lift iki ildir ki, xidmət göstərmir.
Bina sakinləri yuxarı mərtəbələrdəki mənzillərinə qalxa bilmədiklərini, həmçinin bu vəziyyətdən yaşlı insanların və uşaqların əziyyət çəkdiyini deyiblər.
“İki ildir liftimiz işləmir. Bir çox aidiyyəti qurumlara müraciət etmişik, amma nəticəsi olmayıb. Bu binada qazilər də qalır, onların düşüb-qalxmaqları çətin olur. Xahiş edirik, gəlib düzəltsinlər liftimizi”, – deyə məhəllə sakinləri qeyd ediblər.
