Azərbaycan Dövlət Aqrar Universitetinin (ADAU) rektoru Zəfər Qurbanov "Heydər Əliyev adına beynəlxalq təhsil qrantı" proqramının qalibi olan universitetin tələbəsi Nyathi Nkhensani Mmakgotso ilə görüşüb.
Gencexeber.az ADAU-ya istinadən xəbər verir ki, görüş zamanı Zəfər Qurbanov qalib tələbəyə uğurlar arzulayıb.
Rektor bu kimi proqramların Azərbaycanda, xüsusilə də Aqrar Universitetdə təhsilin beynəlmiləlləşməsi istiqamətində vacib addım olduğunu vurğulayıb.
Nyathi Nkhensani Mmakgotso öz növbəsində onun üçün yaradılan əlverişli şəraitə və onu qarşılayan kollektivə təşəkkürünü bildirib.
Qeyd edək ki, Nyathi Nkhensani Mmakgotso Cənubi Afrika Respublikasının vətəndaşı, ADAU-nun “Aqronomluq” ixtisası üzrə ingilis dilində təhsil alan I kurs tələbəsidir.
