Gəncədə Beynəlxalq Sülh Gününə həsr edilmiş tədbir baş tutub. Bu haqda 22 sentyabr tarixində GDU-ya istinadən xəbər veririk.
Tədbir Gəncə Dövlət Universitetində keçirilib. Öncə Dövlət Himni səsləndirilib və şəhidlərin xatirəsi bir dəqiqəlik sükutla yad edilib. Daha sonra universitetin Humanitar məsələlər üzrə prorektoru Gülsüm Fətəliyeva, Filologiya fakültəsinin müəllimi Vüsal İsgəndərov, Tarix-coğrafiya fakültəsinin IV kurs tələbəsi Zamin Abbasov, Filologiya fakültəsinin IV kurs tələbəsi Aysu Cəfərova, III kurs tələbəsi Nigar Məmmədova və Fizika və texniki fənlər fakültəsinin II kurs tələbəsi Nəzrin Novruzlu çıxış ediblər.
Burada prorektor Azərbaycan xalqının hər zaman sülhsevər xalq olduğunu vurğulayıb. Daha sonra universitetin müxtəlif ixtisaslar üzrə təhsil alan tələbələrinin hazırladıqları məruzələr dinlənilib.
Qeyd edək ki, tədbirdə iştirakçılar sülhün rəmzi olan ağ göyərçinləri səmaya buraxıblar.
