Gəncə Heydər Əliyev Mərkəzində tədbir təşkil edilib. Bu haqda 4 may tarixində mərkəzə istinadən xəbər veririk.
16 nömrəli kitabxana 5 may – Beynəlxalq Əlillərin Hüquqlarının Müdafiəsi Günü ilə əlaqədar tədbir keçirib. Tədbir “Əlillərə diqqət hər kəsin mənəvi borcudur” mövzusunda baş tutub. Bu günün qeyd olunmasının əsas məqsədi geniş ictimaiyyətin diqqətini əlilliyi olan insanların hüquqlarının müdafiəsi ilə bağlı problemlərə cəlb etməkdir.
Tədbirdə “Fərəh” İctimai Birliyinin üzvləri, İnsan Hüquqları Müdafiəsi və Ekologiyanın Mühafizəsi Mərkəzinin sədri, Daşkəsən Peşə Məktəbinin psixoloqu, Ticarət və Xidmət üzrə Gəncə Dövlət Peşə Təhsil Mərkəzinin müəllimi, Gəncə Maarif Evi idarə heyətinin üzvləri iştirak ediblər. Burada çıxış edənlər vurğulayıblar ki, cəmiyyətdə elə qrup insanlar var ki, onlara münasibət daha böyük diqqət və həssaslıq tələb edir. Onların reabilitasiyası, cəmiyyətə inteqrasiyası mühüm sosial vəzifələrdən biridir.
