Sərnişindaşıma sahəsində fəaliyyət göstərən “BakuBus” şirkəti xidmətlərini Gəncədə də təqdim edəcək.
Gencexebe.az-ın əldə etdiyi məlumata əsasən, Gəncə şəhərində avtobus parkının yenilənməsi ilə bağlı işlər görülür. "BakuBus" MMC Gəncə şəhərində avtobus parkının tikintisini həyata keçirir.
Həmin park Gəncə Beynəlxalq avtovağzalının arxasında inşa edilir. Geniş ərazidə canlı qüvvə və xüsusi texnika vasitəsilə qazıntı işləri görülür, layihələndirmə üzrə çalışmalar aparılır.
Şirkət tərəfindən bildirilib ki, layihələndirməni Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərdövlətlayihə” Dövlət Baş Layihə İnstitutu həyata keçirəcək. Bu işin 240 min manata başa gələcəyi gözlənilir.
