"BakuBus" MMC-nin yaxın zamanda Gəncədə fəaliyyətə başlaması ilə əlaqədar bütün avtobuslarda gedişhaqqının istənilən bank kartı ilə ödənilməsi mümkün olacaq.
Bu barədə Gencexeber.az-a "BakuBus" MMC-dən məlumat verilib. Bildirilib ki, yeni sistem sərnişinlərə sürətli və daha rahat ödəniş imkanları yaradacaq.
Xatırladaq ki, "BakuBus" "CityCard" ödəniş kartlarını da Gəncə şəhərindəki "Azərpoçt" filiallarında satışa çıxaracaq. Beləliklə, sərnişinlər həm xüsusi ödəniş kartı, həm də bank kartı ilə gedişhaqqını ödəyə biləcəklər.
Qeyd edək ki, ölkəmizin paytaxtında bank kartları ilə gedişhaqqını ödəmək imkanı yalnız Azərbaycan Dəmir Yolları" QSC-nin (ADY) sürət qatarlarında mövcuddur.
