Fikrət Əmirov adına Gəncə Dövlət Filarmoniyasında konsert proqramı təşkil edilib. Bu haqda 5 iyun tarixində Apa-ya istinadən xəbər veririk.
"Gəncə və gəncəlilər" layihəsi növbəti dəfə bəstəkarlıq məktəbinin görkəmli nümayəndəsi Qəmbər Hüseynlinin əziz xatirəsinə həsr olunub. Burada bəstəkarın mahnılarından ibarət çıxışlar təqdim olunub.
"Ay işığında" adlı konsert proqramında Xalq artisti Şahnaz Haşımova, Əməkdar artist Kəmalə Tağıyeva, Əməkdar mədəniyyət işçisi Mehparə Cəfərova, solistlər Vüsal Namazov, Zəminə Nuriyeva, Azər Verdiyev, Samirə Hacıyevanın ifalarında Gəncə Dövlət Filarmoniyasının Xalq Çalğı Alətləri Ansamblının müşayiəti ilə "Xəyali rəqs", "Ömrümün yazısan", "Tellər oynadı", "Gəlmədin", "İlk məhəbbət", "Söz olur", "Ay işığında" və digər mahnıları səsləndirilib.
