Gəncədə “Azərsun Holdinq”in əməkdaşları növbəti dəfə Azərbaycan Dövlət Aqrar Universitetinin tələbələri ilə görüşüblər. Bu haqda 5 iyun tarixində ADAU-ya istinadən xəbər veririk.
Görüşdə "Azərsun Holdinq"in işə qəbul şöbəsinin müdiri Nurulla Nəsibov, işə qəbul üzrə mütəxəssis İlqar Çərkəzzadə, konserv məhsulları marketinq direktoru Sara Rzayeva, konserv məhsulları üzrə marketinq mütəxəssisi Həmayıl Tanrıquluyeva, qeyri-qida məhsulları olan təmizlik məhsulları üzrə marketinq müdiri Merve Sezar Çanaqçı Tekin və brend menecerlər Qızxanım İsmayılova ilə Günel Cavad iştirak ediblər.
Qonaqlar holdinqin fəaliyyət istiqamətləri haqqında ətraflı məlumat verərək, mövcud vakansiyaları tələbələrin diqqətinə çatdırıblar.Sonda tələbələrə holdinq tərəfindən hədiyyələr verilib.
