Gəncədə yerləşən Azərbaycan Dövlət Aqrar Universitetinin bir neçə əməkdaşı Azərbaycanın ən reytinqli 1000 elm adamı siyahısında yer alıb. Bu haqda 17 may tarixində ADAU-ya istinadən xəbər veririk.
Bir neçə ildir ki, beynəlxalq elmmetriya qurumu olan “National H-index Ranking” ölkələrin elmi göstəricilərinin hesabatını açıqlayır.
Bu portal vasitəsi ilə ölkəmizin elmi müəssisələri və elm adamlarının elmi məhsuldarlığını obyektiv və şəffaf şəkildə görmək mümkündür. Sözügedən platforma “Google Scholar” məlumatları (istinad və h-indeksi) əsasında hazırlanan Azərbaycanın ən reytinqli 1000 elm adamı siyahısını da açıqlayıb. Bu siyahıda Azərbaycan Dövlət Aqrar Universitetinin (ADAU) 4 əməkdaşı da yer alıb.
Azərbaycanın ən reytinqli 1000 elm adamı siyahısında yer alan əməkdaşlarımızı təbrik edir və gələcək elmi fəaliyyətlərində uğurlar arzulayırıq.
