Gəncədə universitetlərin birində məzun günü təşkil edilib. Bu haqda 22 iyun tarixində ATU-ya istinadən xəbər veririk.
Tədbir ən yüksək göstəriciləri olan, universitetin ictimai həyatında və idman sahəsində fərqlənən tələbələrin təltif olunması ilə davam edib. Ən yüksək nəticələrlə məzun olanların şəkilləri və məlumatları monitorda əks olunub. Məzunlarımıza ATU ilə əməkdaşlığı olan ATS Food MMC-nin Şəmkir istehsal sahəsi, “Nar" şirkəti tərəfindən hədiyyələr verilib. Daha sonra “Eurovision-2022” müsabiqəsində ölkəmizi təmsil edən Respublikamızın gənc və istedadlı ifaçılarından biri Nadir Rüstəmlinin konsert proqramı ilə çıxış edib.
Bundan başqa, DJ Xaliq Bağırov, “Gəncə band” nəfəsli alətlər qrupu, Gəncə Dövlət Filarmoniyasının solistləri, eləcə də universitetin məzun tələbələri tədbir iştirakçıları qarşısında maraqlı musiqi nömrələri ilə çıxış ediblər. Məzun günü tələbələrin müxtəlif musiqi sədaları altında rəqsi ilə davam edib. Sonda məzunlar Vətənə, xalqa, dövlətə sadiq qalacaqlarına, bundan sonrakı həyatlarında böyük həvəslə çalışaraq layiqli mütəxəssis olacaqlarına and içərək, məzun papaqlarını səmaya atıblar.
