Gəncədə küçə işıqlarının təmirə ehtiyacı var. Bu haqda Gencexeber.az-a 29 iyul tarixində məlumat daxil olub.
Söhbət şəhərin Avtozavod adlanan qəsəbəsindən gedir. Sakinlərin sözlərinə görə, ərazidə bir müddət öncə küçənin işıqlandırılması üçün yeni işıq dirəkləri quraşdırılıb. Sonra isə bu dirəklər fəaliyyətini dayandırıb.
Bir neçə gün öncə küçənin işıqlandırılması bərpa edilib. Lakin sakinlər lampaların nasaz olduğunu bildirirlər.
“Bu dirəklər yeni quraşdırılıb. Az bir müddət işlədi, sonra fəaliyyət göstərmədi. Bir neçə gündür yenidən işə salıblar, amma işıqlar yanıb-sönür. Bu da bizi narahat edir. Lampaların təmir olunmasını istəyirik”, - deyə onlar qeyd ediblər.
