Gəncədə avtomobillərin üzərinə şəkillərin yapışdırılması qanunidirmi? Bu haqda bu gün, 7 avqust tarixində Gencexeber.az Kəpəz TV-yə istinadən xəbər verir.
Şəhər ərazisində sürücülər öz avtomobillərinin, əsasən, arxa şüşələrinə müxtəlif yazılar və ya şəkillər yapışdırırlar. Digər hərəkət iştirakçıları bildirirlər ki, belə yazılar yolda fikir yayındırır və təhlükə yaradır.
Ekspertlərin sözlərinə görə, arxa şüşədə olan yazılar təkcə digər hərəkət iştirakçılarının diqqətini yayındırmır, həm də görməni məhdudlaşdırır.
Yol polis şöbəsindən məsələ ilə bağlı vurğulayıblar ki, mütəmadi olaraq reydlər keçirilir və sürücülərlə profilaktik söhbətlər aparılır. Amma qanunvericilikdə bununla bağlı hər hansı cərimə nəzərdə tutulmur.
