Gəncədə bir sıra yollarda çöküntülər əmələ gəlib. Bu haqda Gencexeber.az-a 6 iyun tarixində məlumat daxil olub.
Söhbət Heydər Əliyev prospekti və Pərviz Səmədov, Eminbəyli, Nizami Gəncəvi küçələrindən gedir. Asfalt örtüyünün çökməsi sonuncu küçədə piyada səkisində, digər adıçəkilən ərazilərdə isə avtomobil yollarında müşahidə edilir.
Məsələ ilə bağlı sürücülər qeyd ediblər ki, yaranan çöküntülər onların avtomobillərinə ziyan vurur və idarəetmələrinə maneə törədir. Onlar yollardakı asfaltın yararsız hala düşmüş hissələrinin təmir edilməsini istəyirlər.
[modula id="60723"]
