Gəncədə xəsarətlə nəticələnən yol-nəqliyyat hadisəsi baş verib. Bu haqda 15 iyul tarixində Bizim.Media.az-a istinadən xəbər veririk.
Hadisə şəhərin Nəriman Nərimanov prospektində qeydə alınıb. Burada hərəkətdə olan “Mercedes-Benz” markalı minik avtomobilinin sürücüsü idarəetməni itirib. Nəticədə maşın əvvəlcə yol kənarındakı işıq dirəyinə, sonra isə 3-4 metr aralıda olan ağaca çarpılıb.
Qəza zamanı iki nəfər müxtəlif dərəcəli bədən xəsarətləri alıb. Bildirilib ki, onlar xəstəxanaya aparılıblar.
Faktla bağlı araşdırma aparılır.
