Gəncədə universitetlərin birinin tələbələrinə xüsusi təqaüd imkanları təqdim edilib. Bu haqda 10 iyun tarixində ATU-ya istinadən xəbər veririk.
Azərbaycan Texnologiya Universitetinin 2024/2025-ci tədris ilində qəbul olan və imtahanlarda 400-500 bal aralığında nəticəsi olan tələbələr əlavə təqaüd alacaqlar. Onlar təhsil alacaqları müddətdə hər ay 100 manat əlavə təqaüd fürsəti qazanacaqlar.
ATU-ya 500 bal və daha yuxarı nəticə ilə qəbul olanlar isə təhsil müddətində 200 manat əlavə təqaüdə sahib olacaqlar. Bununla bağlı xüsusi təqaüd may ayında keçirilən ATU Elmi Şurasının qərarı ilə təsis edilib.
