Gəncədə növbəti əmək yarmarkası baş tutacaq. Bu haqda 21 may tarixində ATU-ya istinadən məlumat veririk.
"Məzun–2024" əmək yarmarkası Azərbaycan Texnologiya Universitetində keçiriləcək. Tədbir təhsil ocağının Dövlət Məşğulluq Agentliyi ilə əməkdaşlığı çərçivəsində təşkil olunacaq. Burada ölkənin müxtəlif bölgələrində fəaliyyət göstərən 80 müəssisə tərəfindən 500-dən çox vakansiyanın çıxarılması nəzərdə tutulub.
Tədbir 29 may tarixində saat 10:00-da başlayacaq.
Qeyd edək ki, yarmarka yalnız ATU məzunları üçündür.
