ATU: “Elm və texnologiyaların müasir trendləri” mövzusunda konfrans olacaq

Gəncədə elmi konfrans keçiriləcək. Bu haqda 28 sentyabr tarixində ATU-ya istinadən məlumat veririk.

Zəfər Gününə həsr olunmuş “Elm və texnologiyaların müasir trendləri” mövzusunda konfrans 6-7 noyabr tarixlərində Azərbaycan Texnologiya Universitetində təşkil olunacaq. Burada hibrid formatda müəllim və gənc tədqiqatçılar iştirak edəcəklər.

Konfransın bölmələri universitetin istiqamətlərinə müvafiq olaraq aşağıdakı kimi müəyyənləşdirilib:

• Qida sənayesi;


• Süni intellekt, elektronika və informasiya texnologiyaları;


• Tekstil və yüngül sənaye;


• Dizayn;


• Maşınqayırma, nəqliyyat və logistika;


• Metal və materiallarda innovativ texnologiyalar;


• Rəqəmsal iqtisadiyyat;


• İdarəetmənin müasir trendləri;


• Turizm sənayesi;


• Multikultural təhsil;


• Yaşıl iqtisadiyyat və dayanıqlı inkişaf;


• Dəqiq və təbiət elmlərinin müasir trendləri.

Konfrans materialları noyabrın 27-nə qədər PDF formatında universitetin rəsmi saytında yerləşdiriləcək.

İştirak ATU-nun əməkdaşları və gənc tədqiqatçıları (magistrantları, doktorantları və dissertantları) üçün ödənişsizdir. Digər şəxslərin məruzə tezisinin hər səhifəsi üçün 5 manat nəzərdə tutulub. Tezislər ödəniş qəbzi ilə birgə təqdim olunmalıdır.

Konfrans materialları 20 oktyabr tarixinədək conference@uteca.edu.az elektron poçt ünvanına göndərilməlidir.

Ətraflı məlumat üçün linkə keçid etmək və ya (022) 257 00 46 nömrəsi ilə əlaqə saxlamaq lazımdır.