Gəncədəki Azərbaycan Texnologiya Universitetində yay imtahan sessiyasına start verilib. Bu haqda 4 iyun tarixində ATU-ya istinadən xəbər veririk.
Universitetin rektoru imtahan prosesini izləyib, tələbələrlə yerində görüşərək onların fikirlərini öyrənib və müvafiq tövsiyələr verib. Bildirib ki, tələbələrin biliyinin şəffaf və obyektiv qiymətləndirilməsi üçün bütün zəruri tədbirlər görülüb.
5 iyul tarixinədək davam edəcək sessiya müddətində imtahanlar test və yazılı qaydada keçirilir. İmtahanların şəffaf və obyektiv keçirilməsi üçün İmtahan Qərargahı və Apellyasiya Komissiyası fəaliyyət göstərir. Bütün korpuslarda tələbələr üçün təklif və şikayətlər qutusu yerləşdirilib.
