Gəncədə tələbələr üçün təlim təşkil olunacaq. Bu haqda 26 sentyabr tarixində ATU-ya istinadən məlumat veririk.
Tədbir Azərbaycan Texnologiya Universitetinin I korpusunda yerləşən “Port of Baku” təlim-tədris auditoriyasında baş tutacaq. Burada təhsil ocağının tələbələrinə “Startaplar: İdeyadan biznesə” adlı təlim keçiləcək.
Seminarda startaplara maraq göstərən, universitetin innovativ ekosisteminin formalaşmasında iştirak etmək arzusunda olan və öz ideyalarını reallaşdırmaq istəyən gənclər (yalnız ATU tələbələri) iştirak edə bilərlər.
Təlimi universitetin İnnovasiya Mərkəzinin direktoru Şamo Salayev aparacaq.
