Gəncədə mülki müdafiə tədbiri baş tutub. Bu haqda 17 may tarixində İcra Hakimiyyətinə istinadən məlumat veririk.
Nümunəvi mülki müdafiə məşqi Gəncə Şəhər İcra Hakimiyyəti tərəfindən 1 saylı Gəncə Regional “ASAN xidmət” Mərkəzində keçirilib. Burada rəhbər heyət iştirak edib.
Tədbir “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda təşkil olunub. Yığıncağa, həmçinin İcra Hakimiyyətinin, Fövqəladə Hallar Nazirliyi Gəncə Regional Mərkəzinin, 1 saylı Gəncə regional “ASAN xidmət” Mərkəzinin nümayəndələri, Fövqəladə hallar komissiyasının, Mülki müdafiə qüvvələrinin komandir-rəis heyəti qatılıblar.
Məşqdə şərti fövqəladə hadisə ilə əlaqədar rəhbər heyətin mülki müdafiə qüvvələrinin idarə edilməsi üzrə fəaliyyəti simulyasiya edilib.
Sonda görüşün yekunu təhlil olunub və aidiyyəti üzrə tapşırıqlar verilib.
