Gəncədə dəyirmi masa keçirilib. Bu haqda 20 iyul tarixində Kəpəz televiziyasına istinadən xəbər veririk.
“Astana görüşü – Azərbaycanın uğurlu xarici diplomatiyasında yeni istiqamətlərə doğru” mövzusunda dəyirmi masa təşkil edilib. Tədbir Azərbaycan Milli Elmlər Akademiyasının Gəncə bölməsində keçirilib. Burada alimlərin qlobal platformada Azərbaycanın reallığı, Astana görüşündə yeni imkanlar və inkişaf perspektivləri, Şanxay əməkdaşlıq təşkilatı ölkələri ilə mədəni, iqtisadi əlaqələr, regional və qlobal sülhə xidmət edən üçtərəfli tərəfdaşlıqlarla bağlı məruzələr dinlənilib.
Tədbirdə qeyd olunub ki, Azərbaycanın son 5 ildə artan nüfuzu bütün dünyaya səs salıb və əksər dövlətlər ölkəmizlə müxtəlif yöndə əməkdaşlıqlara can atır. Sonda tövsiyə olunub ki, çıxışçıların məruzələri toplanaraq çap halına salınsın.
