AMEA Gəncə Bölməsində universitetlərin tələbələri üçün seminarlar baş tutub. Bu haqda 11 iyun tarixində AMEA Gəncə Bölməsinə istinadən xəbər veririk.
Seminarda “Heydər Əliyev Fondu və Nizami Gəncəvi irsi” mövzusunda mühazirə oxunub. Burada Gəncə Dövlət Universiteti ilə əməkdaşlıq müqaviləsi əsasında Filologiya fakültəsinin Filologiya ixtisasının IV kurs tələbələri öz rəhbər müəllimləri, Azərbaycan dili kafedrasının dosenti Gülarə Məlikova və Filologiya fakültəsinin metodisti, pedaqoji internaturanın üzvü Romella Nuriyeva ilə birgə iştirak ediblər.
Görüşün əsas qayəsi dahi şair və mütəfəkkir Nizami Gəncəvinin öz əsərlərində yaratdığı, zamandan və dövrandan asılı olmayaraq, insanın və cəmiyyətin hüzur və xöşbəxtliyi naminə bizə və bütün bəşəriyyətə ünvanlanan fəlsəfəsinin müasir mürəkkəb dövrümüz üçün də bir açar ola bilməsi fikirlərini çatdırmaq olub. Daha sonra mühazirəçi ulu öndər Heydər Əliyevin dahi mütəfəkkirimiz Nizaminin əsərlərinin öyrənilməsinə, ölkə və dünyada təbliği məsələlərinə milli-ideoloji strategiya kimi baxdığını vurğulayıb.
