Gəncə Dövlət Universitetində tədbir keçirilib. Bu haqda 1 iyun tarixində Gəncə Şəhər Birləşmiş Xəstəxanasına istinadən xəbər veririk.
Tədbir “Tütün, alkaqol və digər zərərli vərdişlərə “yox” deyək” mövzusunda olub. Burada Şəhər Birləşmiş Xəstəxanasının nəzdində olan Cavadxan Ailə Sağlamlıq Mərkəzinin həkim-terapevti Solmaz Karanzadə çıxış edib. Həkim tütün, alkaqol, psixotrop və digər zərərli vərdişlərin insan sağlamlığına olan zərərləri və riskləri haqqında məlumat verib. O, cəmiyyətin sağlam olması üçün gənclərin, yeniyetmələrin tütün, alkoqol və digər zərərli vərdişlərdən uzaq durmaları zəruruliyini vurğulayıb.
Qeyd edək ki, tədbirdə Gəncə Dövlət Universitetinin İbtifai sinif və Pedaqoji fakültəsinin müəllim və tələbələri iştirak ediblər.
