Gəncədə illərlə yolu bərbad vəziyyətdə olan küçəyə nəhayət asfalt çəkilir.
Gencexeber.az xəbər verir ki, Gəncədə Aida İmanquliyeva küçəsində (keçmiş Muxtar Hacıyev küçəsi) uzun illərdir gözlənilən asfaltlama işlərinə start verilib. Əraziyə texnika və canlı qüvvə cəlb olunub.
Uzunluğu təxminən 1 kilometr 200 metr olan küçədə əvvəlcə yolun bərkidilməsi işləri aparılıb, hazırda isə asfalt örtüyünün salınması prosesi həyata keçirilir.
Qeyd edək ki, redaksiyamız son 4 il ərzində bu küçə ilə bağlı 20-dən çox xəbər yayaraq sakinlərin narahatlığını ictimailəşdirib. Nəhayət, bu uzunmüddətli səylər nəticə verib.
