Gəncədə AzEdu.az təhsil portalı və ali məktəblərin birgə təşkilatçılığı ilə həyata keçirilən "Brend tələbə" layihəsi çərçivəsində xüsusi meyarlara uyğun seçilən tələbələrin mükafatlandırılması davam edir. Bu haqda 7 iyun tarixində ADAU-ya istinadən xəbər veririk.
Növbəti mükafatlandırma tədbirində AzEdu.az Azərbaycan Dövlət Aqrar Universitetində təhsil alan “Brend tələbə”ləri təltif edib. Burada Tərbiyə işləri üzrə prorektor Aidə Qasımova, AzEdu.az təhsil portalının Regional koordinatoru Leyla Camalzadə və həmin statusa layiq görülən tələbələr iştirak ediblər.
Tədbirdə Aidə Qasımova çıxış edərək, tələbələrə gələcək fəaliyyətlərində uğurlar arzu edib, uğur qazanmağın sirlərindən geniş söhbət açıb. Sonda isə “Brend tələbə”lərə təltifnamələr təqdim olunub və xatirə şəkli çəkdirilib.
