Gəncədə tələbələr üçün yarış keçirilib. Bu haqda 21 dekabr tarixində Azərbaycan Dövlət Aqrar Universitetinə istinadən məlumat veririk.
Bilik yarışında ADAU-nun iqtisadiyyat yönümlü ixtisaslarında təhsil alan tələbələri iştirak ediblər. Turniri Aqrobiznes və idarəetmə və Aqrar iqtisadiyyat fakültələri üzrə Tələbə Elmi Cəmiyyəti və Marketinq kafedrası təşkil edib.
Mübarizəyə hər komandada 6 nəfər olmaqla 24 tələbə qatılıb. Yarış 2 mərhələdən ibarət olub. Suallara verilən cavabların düzgünlüyünü hər iki fakültəni təmsil edən müəllimlər qiymətləndiriblər. “Şuşa ili”nə həsr olunan “Sabahın iqtisadçıları” adlı yarışda suallara daha dəqiq və doğru cavab verən “Tax Team” komandasına rəmzi kubok təqdim edilib. Bütün yarış iştirakçıları isə Fəxri fərmanlarla təltif olunublar.
Yarışda 1-ci yeri "Tax Team", 2-ci yeri "One direction", 3-cü yeri "Xarıbülbül", 4-cü yeri isə "Qarabağ" komandaları tutublar.
