Gəncədə “Azərbaycan Dövlət Aqrar Universitetinin Elmi Əsərləri” jurnalının cari il üçün birinci sayı dərc edilib. Bu haqda 11 may tarixində ADAU-ya istinadən xəbər veririk.
“ADAU-nun Elmi Əsərləri” jurnalı “ISSN 2310-4104” və “ISSN-L: 2790-5799” beynəlxalq standart seriya nömrələri ilə nəşr olunur. Jurnalın məqsədi müasir elmin və aqrar siyasətin aktual mövzularına uyğun ümumkonseptual problemlərini nəzəri-praktiki cəhətdən ifadə edən orijinal məqalələrin nəşrinə üstünlük verməklə, aqrar sahədə yeni elmi biliklərin, o cümlədən innovasiyaların işıqlandırılması, elmi-tədqiqat nailiyyətlərini elm ictimaiyyətinin diqqətinə çatdırmaqdır.
“ADAU-nun Elmi Əsərləri” jurnalı AAK-nın tövsiyə olunan elmi nəşrləri siyahısında üç fərqli elm sahəsində yer alır. Bunlar iqtisad elmləri, biologiya və aqrar elmlərdir. Nəşr olunan bütün məqalələr doi identifikasiya nömrəsi ilə təmin olunur və “crossref” bazasına daxil edilir.
