Gəncədə təhsil ocağının əməkdaşları üçün təlim keçirilib. Bu haqda 21 may tarixində ADAU-ya istinadən məlumat veririk.
Tədbir imtahan sessiyasının təşkili mövzusunda olub. Burada Azərbaycan Dövlət Aqrar Universitetinin əməkdaşları iştirak ediblər. Təlim zamanı Dövlət İmtahan Mərkəzinin Gəncə Regional Bölməsinin böyük məsləhətçisi Babək Orucov imtahanların gedişatında nöqsanlara, neqativ hallara yol verilməməsi üçün diqqət olunmalı məqamlardan danışıb.
Bundan başqa, imtahan nəzarətçilərinin proses mühitini müvəffəqiyyətlə idarə etmələri, tələbələrin hüquqlarının qorunması və mövcud problemlərin effektiv şəkildə həll olunması mövzuları ətrafında müzakirələr aparılıb.
Sonda iştirakçıların sualları cavablandırılıb.
