Gəncədə universitetlərin birində “Yaşıl dünya naminə həmrəylik ili”nə həsr edilən rəsm sərgisi keçirilib. Bu haqda 20 may tarixində ADAU-ya istinadən xəbər veririk.
Tədbir Azərbaycan Dövlət Aqrar Universitetində təşkil edilib. Universitetin Aqrotexnologiya fakültəsinin foyesində “Dizayn” ixtisasının tələbələri tərəfindən hazırlanan rəsm əsərləri və əl işlərinə baxış olub.
Rəsm sərgisində Tədris işləri üzrə prorektor Əhməd Məlikov, Tərbiyə işləri üzrə prorektor Aidə Qasımova, professor-müəllim heyəti və tələbələr iştirak ediblər. Əsərlərə baxış zamanı qiymətləndirmə və müzakirələr aparılıb, daha sonra müəlliflər mükafatlandırılıblar.
