Gəncədə Azərbaycan Dövlət Aqrar Universitetinin, Ege Universitetinin, Kırşehir Ahi Evran Universitetinin, Türkiyənin Mədəniyyət və Turizm Nazirliyinin tabeliyində fəaliyyət göstərən İqtisadi İnkişaf və Sosial Tədqiqatlar İnstitutunun birgə təşkilatçılığı ilə onlayn konfrans keçirilib. Bu haqda 8 iyun tarixində ADAU-ya istinadən xəbər veririk.
Konfransda ADAU-nun rektoru Zəfər Qurbanov iştirakçıları salamlayaraq, konfransın əsas məqsədinin Azərbaycan kənd təsərrüfatının müasir texnologiyalar və metodlarla inkişaf etdirilməsi, elmi-tədqiqat işlərinin artırılması və beynəlxalq əməkdaşlığın genişləndirilməsi olduğunu bildirib.
Daha sonra konfransın digər tərəfdaşlarına söz verilib. Çıxış edən məruzəçilər belə konfransların keçirilməsinin gələcək nəsil üçün faydalı olduğunu qeyd edərək, məmnunluqlarını ifadə ediblər. Konfrans günün ikinci yarısında işini bölmələrdə davam etdirib.
