Gəncə Şəhər İcra Hakimiyyətinin və Dövlət Filarmoniyasının dəstəyi, Mədəniyyət Nazirliyi və Regional Mədəniyyət İdarəsinin təşkilatçılığı ilə konsert olub. Bu haqda 31 may tarixində Kəpəz televiziyasına istinadən xəbər veririk.
“Musiqinin gücü” adlı layihə çərçivəsində növbəti konsert baş tutub. Layihə çərçivəsində həftənin müəyyən günləri açıq havada konsert proqramları olur. Bu dəfəki konsert Xan bağında təşkil olunub.
Konsert proqramında “Göygöl” Dövlət Mahnı və Rəqs Ansamblı üzvlərinin ifasında xalq mahnıları səsləndirilib. İfa edilən əsərlər sakinlərdə xoş əhvali-ruhiyyə yaradıb. “Musiqinin gücü” layihəsinin əsas məqsədi klassik musiqini, milli dəyərlərimizi təbliğ etmək və insanların asudə vaxtını səmərəli təşkil etməsinə imkan yaratmaqdır.
