Göygöldə Azərbaycan Respublikası Gənclər və İdman Nazirliyinin yaradılmasının 31-ci illiyinə həsr olunmuş acıq birincilik keçirilib.
Gencexeber.az-ın məlumatına görə, yarış Azərbaycan Kikboksinq Federasiyası, Gəncə-Daşkəsən Region Gənclər və İdman İdarəsinin, eləcə də "SENSEY" Kikboksinq klubunun birgə təşkilatçılığı ilə 31 komanda üzrə 350 yaxın idmançının iştirakı ilə şəhərin Mədəniyyət və İstirahət parkında keçirilib.
Tədbirdə RİH-nin məsul əməkdaşı, Göygöl rayon Gənclər və İdman sektorunun müdiri və əməkdaşları, Kikboksinq üzrə Qərb regionunun sədri, "SENSEY" Kikboksinq klubunun nümayəndələri, beynəlxalq və respublika dərəcəli hakimlər və rayon ictimaiyyəti və idmançıları iştirak ediblər. Açıq turnirdə Gəncə şəhərindən, Göygöl, Ağstafa, Şəmkir, Qəbələ, Goranboy, Naftalan, Mingəçevir, Ağdam, Göyçay, Ucar, İsmayıllı, Kəlbəcər və Samux rayonlarının idmançıları mübarizə aparıb.
Müxtəlif yaş qrupları və çəki dərəcələri üzrə müəyyən olunmuş turnir Azərbaycan Kikboksinq Federasiyasının qaydalarına əsasən həyata keçirilib. Birincilikdə I, II, və III yerləri tutmuş idmançıları təşkilatçılar tərəfindən diplom, medal və kubokla təltif olunublar.
