Regional Mədəniyyət İdarəsi Heydər Əliyev Mərkəzi, 16 nömrəli Kitabxana və Gənclərin İnkişaf və Karyera Mərkəzinin Regional nümayəndəliyinin birgə təşkilatçılığı ilə tədbir olub. Bu haqda 26 iyun tarixində Heydər Əliyev Mərkəzinə istinadən xəbər veririk.
Tədbir 26 İyun - Silahlı Qüvvələr Günü münasibəti ilə “Azərbaycan ordusu dövlət quruculuğunun təməlidir" mövzusunda keçirilib. Burada Maarif Evinin əməkdaşı və könüllüləri, Gənclərin İnkişaf və Karyera Mərkəzinin Regional nümayəndəliyinin əməkdaşı və könüllüləri iştirak ediblər.
Tədbirdə çıxış edənlər qeyd ediblər ki, Silahlı Qüvvələr Günü əsl ümumxalq bayramıdır. Ordu bizim dövlətçiliyimizin, təhlükəsizliyimizin və sabitliyimizin dayağıdır. Bizim ordumuzun əsas gücü Azərbaycanın əsgər və zabitlərinin döyüş ruhu və Vətənə hədsiz sevgisidir.
