19 saylı Kitabxanada Gəncə şəhər Şah İsmayıl Xətai adına 13 saylı tam orta məktəbin müəllim və şagirdləri ilə birlikdə tədbir keçirilib. Bu haqda 12 iyun tarixində Mərkəzləşdirilmiş Kitabxana Sisteminə istinadən xəbər veririk.
15 İyun - Milli Qurtuluş Günü münasibətilə “Azərbaycan deyəndə ayağa dur ki, ana Vətənin qəlbinə toxuna bilər” adlı tədbir təşkil edilib. Burada kitabxananın müdiri Elza Əliyeva, 13 saylı tam orta məktəbin direktoru Gülnar Hüseynova, direktor müavini Rasim Alıyev, psixoloq Qətibə Mustafayeva, metodist Günel Məmmədova , UTBR - Qənifə Nağıyeva, sosial pedaqoq Elmira Musayeva, kitabxana işçiləri Ruziyyə Abbasova, Jalə İsmayılova iştirak ediblər.
Tədbirdə sözügedən tarixin xalqımız üçün əsl qurtuluş tarixi olmasından, ümummilli lider Heydər Əliyevin Azərbaycan xalqının tarixinə müstəqilliyimizin memarı və qurucusu kimi daxil olmasından danışıblar. Daha sonra “15 İyun - Milli Qurtuluş Günü - Xalqımızın şərəf tarixi” adlı videoçarx nümayiş etdirilib.
