Gəncə Dövlət Universitetində fənn olimpiadası təşkil edilib. Bu haqda 7 may tarixində GDU-ya istinadən xəbər veririk.
Müsabiqə Regional Təhsil İdarəsinin tabeliyində olan orta ümumtəhsil məktəblərinin XI sinif şagirdləri üçün keçirilib. Azərbaycan dili və ədəbiyyat fənni üzrə baş tutan imtahanda 40 şagird iştirak edib.
İmtahanda suallar Gəncə Dövlət Universitetinin Azərbaycan dili və dünya ədəbiyyatı kafedrasının professor – müəllim heyəti tərəfindən tərtib olunub. 50 test sualı A və B variantında təqdim edilib. Olimpiadanın sonunda tədris olunan ixtisaslar, fakültələr, GDU-nun beynəlxalq əlaqələri, Tələbə Evi haqqında ətraflı məlumatlar verilib. Universitetin fəaliyyətinə dair məlumat kitabçası paylanılıb.
