Azərbaycanın daha bir futbol klubu avrokuboklarla vidalaşıb.
Gencexeber.az məlumat verir ki, “Zirə” futbol klubu doğma meydanda Kiprin “Omoniya” komandasını qəbul edib. Matç UEFA Konfrans Liqasının pley-off mərhələsi çərçivəsində baş tutub. Görüşü Latviyadan olan hakim Vitaliys Spasyonnikovs idarə edib.
İlk hissənin sonunda tərəflər fasiləyə qolsuz bərabərliklə yollanıblar. İkinci hissənin 79-cu dəqiqəsində Rafael Utziq qol vuraraq "Zirə"ni önə çıxarıb.
Oyun "Zirə"nin 1:0 hesablı qələbəsi ilə başa çatıb. Lakin komandalar arasında keçirilən ilk oyunda 6 cavabsız qolla məğlub olan Azərbaycan klubu avrokuboklarda çıxışını sona çatdırmalı olub.
