Azərbaycanın daha bir futbol klubu avrokuboklarda məğlub oldu.
Gencexeber.az məlumat verir ki, Azərbaycanın “Zirə” futbol klubu Kiprin “Omoniya” komandasının qonağı olub. Matç UEFA Konfrans Liqasının pley-off mərhələsi çərçivəsində baş tutub. Görüş estoniyalı baş hakim Yuri Frişer tərəfindən idarə edilib.
"GSP" stadionunda keçirilən oyunda ilk qolu 13-cü dəqiqədə Amin Xammas “Zirə”nin qapısına vurub. Ardınca 34-cü dəqiqədə Vili Semedo penaltini qola çevirib. Bununla kifayətlənməyən kiprlilər ilk hissənin hesabını 45+1-ci dəqiqədə Mariuş Stepinskinin dəqiq zərbəsi ilə 3:0-a çatdırıblar.
İkinci hissədə meydan sahibləri üstünlüklərini bir qədər də möhkəmləndiriblər. Mariuş Stepinski 54-cü dəqiqədə dubl müəllifi olub. 60-cı dəqiqədə Evandro komandasının 5-ci qolunu vurub. Matçda daha bir dubla 70-ci dəqiqədə Villi Semedo imza atıb.
Qarşılaşma 6:0 hesabı ilə başa çatıb.
Qeyd edək ki, bu komandalar arasında cavab matçı avqustun 29-da Dalğa Arenada təşkil olunacaq. Qarşılaşma saat 20:00-da start götürəcək.
