Tovuz rayonunda kişi sevgilisinə xəsarət yetirib.
Belə ki, 1978-ci il təvəllüdlü Bahəddin yaşadığı evdə Mədinəni (adlar şərtidir) onun icazəsi olmadan evdən çıxıdığına görə döyüb.
Faktla bağlı Bahəddinin barəsində Cinayət Məcəlləsinin qəsdən sağlamlığa zərər vurma maddəsi ilə ittiham elan edilib.
İş üzrə ifadə verən Bahəddin ona elan olunmuş ittiham üzrə özünü təqsirli bilib.
"Zərərçəkmişlə rəsmi nikahımız olmayıb. Təxminən üç ildir birlikdə yaşayırıq. Hadisə günü Mədinəni evdə tapa bilmədim. Bir neçə dəfə ona məxsus mobil nömrəyə zəng etdim, lakin zəng çatmadı. Evə gələndə dedi ki, zibilləri atmağa gedib. Məndən icazəsiz evdən çıxmasına əsəbiləşdim və sol göz nahiyəsinə bir dəfə yumruqla, sol ayağına bir dəfə təpiklə zərbə endirdim", - deyə Bahəddin bildirib.
Tovuz Rayon Məhkəməsində aparılan araşdırma zamanı məlum olub ki, təqsirləndirilən şəxs zərərçəkmişlə barışıb və şikayətini geri götürüb.
Məhkəmə bu halları nəzərə alaraq Bahəddinin barəsində cinayət təqibinə xitam verib və onu cinayət məsuliyyətindən azad edib
