İcra hakimiyyətinin başçısı aparatının əməkdaşları Gəncəçayın sahilində yolda yaranmış çatlara baxış keçiriblər. Bu haqda Gencexeber.az-a 27 may tarixində məlumat daxil olub.
Bir neçə gün öncə Gəncəçayın sahilindən keçən avtomobil yolunun asfalt örtüyündə çatlar və ayrılmalar əmələ gəlməsi barədə məlumat paylaşmışdıq. Məsələ ilə bağlı icra hakimiyyətinin başçısı aparatının əməkdaşları məlumat veriblər.
"Baxış zamanı məlum olub ki, son zamanlar Qərb bölgəsində yağan aramsız yağışlar səbəbi ilə Gəncəçayda sululuğun artması nəticəsində çayın şəhərin F.Həsənov küçəsindən N.Gəncəvi prospektinə qədər olan 2,4 km-lik hissəsinin sol sahilindəki bəndlər aşınıb. Yaranmış təhlükənin aradan qaldırılması məqsədi ilə Gəncə Şəhər İcra Hakimiyyəti tərəfindən aidiyyəti qurumlara müraciət ünvanlanıb", - deyə məlumatda qeyd edilib.
