Gəncənin yetirməsi müsabiqədə mübarizə aparıb. Bu haqda 11 iyun tarixində Azərbaycan Cüdo Federasiyasına istinadən xəbər veririk.
Cüdo üzrə məktəblilərin Respublika çempionatına yekun vurulub. 13 yaşa qədər uşaqların çempionatında 30 kiloqram çəki dərəcəsində yetirməmiz Əli Quluzadə gücünü sınayıb. İdmançı 3-cü yerə layiq görülüb.
Yarış Elm və Təhsil Nazirliyi, Gənclər və İdman Nazirliyi və Azərbaycan Cüdo Federasiyasının (ACF) birgə təşkilatçılığı ilə keçirilib. Burada ümumilikdə müxtəlif regionlardan 300-ə yaxın cüdoçu medallar uğrunda mübarizə aparıb. Turnirdə 16 çəki dərəcəsində 13 yaşa qədər qızlar və oğlanlar arasında qaliblər bəlli olub.
