Gəncəli idmançı ölkə yarışında uğur qazanıb. Bu haqda 8 may tarixində Regional Gənclər və İdman İdarəsinə istinadən məlumat veririk.
Gənclər və İdman Nazirliyi ilə Azərbaycan Badminton Federasiyasının birgə təşkilatçılığı ilə badmintonçular arasında ölkə birinciliyi keçirilib. Burada 2012-2013 təvəllüdlü idmançılar mübarizə aparıblar. Turnirdə regional idarə tərəfindən 13 nəfərdən ibarət komandanın iştirakı təmin edilib.
Yarışda 5 kateqoriya üzrə qaliblər müəyyənləşib. Burada 1 saylı Uşaq-Gənclər və İdman-Şahmat Məktəbinin yetirməsi Amin Məmmədov qoşa növdə III yerə çıxaraq bürünc medala layiq görülüb.