Azərbaycan Voleybol Federasiyasının (AVF) İdarə heyətinin geniş iclası keçirilib. Bu haqda 19 iyul tarixində voleybol klubuna istinadən xəbər veririk.
Tədbirdə AVF-nin prezidenti Şahin Bağırov, vitse-prezident Bəhruz Quliyev, baş katib Faiq Orucov, İdarə heyətinin üzvləri, yüksək liqa komandalarının, Regional Voleybol Klublarının rəhbərləri və federasiyanın digər əməkdaşları iştirak ediblər. Baş katib bildirib ki, bölgələrdə voleybolun inkişafı, aşağı yaş qruplarının yaradılması, gənc qız və oğlanların sağlam həyat tərzinin təmin olunması məqsədilə “Gəncə RVK“ (oğlan və qız) yaradılıb. Klub “Gəncə VK”nın nəzarətinə verilib.
İclasda bu layihənin həm klub, həm də RVK-lar üçün böyük əhəmiyyət kəsb etdiyi, həmçinin Azərbaycan voleybolu üçün uğurlu olacağı qeyd olunub.
