Vəfa Oruc qızı Hüseynzadə Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanovun müvafiq əmri ilə Nizami Tibb Mərkəzinin direktoru vəzifəsinə təyin olunub.
Gencexeber.az məlumat verir ki, Vəfa Hüseynzadə Şəmkir rayonunun sabiq icra başçısı Aslan Aslanovun bacısı qızıdır.
Qeyd edək ki, A.Aslanov 1993-ci ildən 2005-ci ilə qədər Şəmkir Rayon İcra Hakimiyyətinin başçısı vəzifəsində çalışıb. O, 2018-ci ildə vəfat edib.
Xatırladaq ki, Aslan Aslanovun oğlu Ruslan Aslanov 2003-cü ildə baş vermiş hadisə zamanı nişanlı cütlük – Vüqar Əliyev və yetkinlik yaşına çatmayan Lamiyə Quliyeva tərəfindən qətlə yetirilib. Məhkəmənin hökmü ilə Vüqar Əliyev ömürlük azadlıqdan məhrum edilib, Lamiyə Quliyeva isə hadisə zamanı yetkinlik yaşına çatmadığı üçün 10 il müddətinə azadlıqdan məhrum olunub.
2021-ci ildə Prezident İlham Əliyevin əfv sərəncamı ilə Vüqar Əliyevin cəzası ömürlükdən 25 il azadlıqdan məhrum etmə ilə əvəzlənib. Hazırda onun cəzasının təxminən 2 ili qalıb.
