Gəncə şəhərinin Cavad Rəfibəyli küçəsində yeni salınmış asfalt örtüyü gün-gündən daha da acınacaqlı vəziyyətə düşür.
Gencexeber.az-a müraciət edən sakinlərin sözlərinə görə, bir neçə ay əvvəl küçədə Azərbaycan Avtomobil Yolları Dövlət Agentliyinin Qazax rayonu 28 №-li Yol İstismar MMC tərəfindən təmir işləri aparılıb. Lakin görülən işlərin keyfiyyəti gəncəlilərin narazılığına səbəb olub.
Vətəndaşlar bildirirlər ki, küçənin bəzi hissələrində bordürlər düzülməyib, səki isə asfaltlanmayıb, bitum qırıntıları tökülüb.
Sakinlər iddia edirlər ki, yol təmiri tələm-tələsik aparılıb və asfalt gecə saatlarında salınıb. Hazırda yolun səthi bir sıra hissələrində kələ-kötürdür.
